النجاح -  لاحظ الكثير من المتابعين غياب الفنانة السورية نادين تحسين بك عن مراسم دفن المخرج حاتم علي، وتساءلوا عن سبب ذلك.

وهو ما دفعها إلى الرد من خلال حسابها على “إنستغرام”.

ونشرت نادين صورة بالأبيض والأسود ظهرت فيها برفقته في كواليس أحد الأعمال وأرفقتها برسالة مطولة جاء فيها: “لكل الي سألوني سبب عدم وجودي بجنازة المخرج والاستاذ حاتم علي… رح جاوب وبصراحة… ما كان عندي القدرة والقوة إني كون … ولحد هي اللحظة ما قدرت حتى اني شوف أي فيديو من تشييعو… كل إنسان بعبر عن حزنه بطريقته… وبالمحصلة الي بقلبي مارح يتغير ولا يزيد أو ينقص ان كنت أو لا… وقيمة حاتم علي لا رح تزيد ولا تنقص بوجودي أو عدمه…”.

وأضافت: “الي راح حاتم علي ويكفي نقول حاتم علي لنلخص كل القيمة والروعة والاستثنائية بالإضافة للشغف الي كان هو المحرك الأساسي للسحر الي تركه وراه وهاد الإرث العظيم الي تركلنا اياه… خسارة لألنا نحن السوريين كلنا … المخرجين المهمين ببلدنا للأسف بينعدو على أصابع اليد الواحدة… كنا بحاجتك ولا زلنا… وكان لسا عندي أمل تجمعني فرصة جميلة بعمل اتشرف فيه معك واستمتع وسلطن… بس اليوم شكلك قررت ترتاح وتروح وتتركنا… الله يرحمك عم تطلع من قلب كل واحد فينا. مو مجرد كلمة يا استاذنا… نام وارتاح نحن حنضل نحبك ونشتقلك ونفقدلك. والأكيد إنك اليوم بمكان أجمل وأنضف وأسما …مكان بيشبهك”.