النجاح الإخباري - كتب الفنان محمود العسيلي عبر حسابه الشخصي على تويتر، تغريدة أثارت الجدل بين متابعيه والوسط الفني، بعد أن هاجم فيها المواهب الشابة التي ترسل له أعمالها على رقمه الخاص عبر واتساب، معلّقًا "الإخوة اللي عايزين يبقوا ملحنين أو شعراء اللي بيبعتوا على الواتساب الخاص ويكلمك فجأة على إنه متربي معاك وإنكو كنتوا مع بعض في المدرسة ويبعتلك إسهال من الأغاني وسبحان الله كلهم الجو بتاعك ولايقيين عليك وباعتهملك مخصوص بلوك مع جزيل الشكر #اسمع_الخيال_دا_يانجم".
وردّ على الفنان العسيلي العشرات من متابعيه، حيث غرّد كريم سعيد رئيس تحرير موقع "يلا كورة" "واضح إنك مش فاهم الامتحان اللي انت فيه ببساطة الموهبة في أي حاجة غناء- كتابة- لعب كورة- أي حاجة هي نعمة من الله تعالي اول ما أي موهبة من دوول تسمع مع انسان ويبقي مشهور في موهبته يبدأ اختبار الشهرة… هل هتتواضع وتوصل النعمة لغيرك ولا هتتكبر وتوقفها عندك؟"، وكتب المحلل الرياضي أمير عبدالحليم "بعيدا عن أن الموضوع ممكن يكون مزعج فعلا بس هل شركات الإنتاج في بداية عملك الفني هي اللي جت لك البيت تطلب منك تمضي معاها وتنتج لك أغنية أو ألبوم؟»".
وقال مجدي عبدالعاطي المدير الفني لفريق أسوان واللاعب السابق بنادي إنبي "الحقيقة أنا مش لاقي رد مناسب لكلامك غير الحمد لله إنك مغنتش الأطلال ولا أراك عصي الدمع كنت ش…ت على الناس اللهم علينا ووطئ أنفسنا يا أستاذ عسلية".
