النجاح - أعرب عدد كبير من النجوم اللبنانيين عن حزنهم الشديد وغضبهم من الأداء السلطوي في لبنان، جرّاء الإنفجار الضخم الذي عصف بالعاصمة اللبنانية امس، وأوقع عشرات الشهداء والجرحى.

غرّدت هيفاء وهبي: "اللي صار اليوم ب #بيروت بيبكّي الله يرحم كل الضحايا، وكل حدا قادر يتبرع بالدم للجرحى ما يتردد ولا لحظة لأنن كتار".

وكتبت اليسا: "محروق قلبي من جوا و مقهورة عا بلدي من اللي صار. أنا الحمدلله بخير وانشالله ما يكون في شهدا، وكل الجرحى يتعافو يا رب !بيتي تكسر كلو بس مش مهم، المهم. الله يحمي لبنان".

وقالت سيرين عبد النور: "الله يحمينا من الشر يللي حاطت عينو علينا...".

ونشر عبدو شاهين: "شو تقيل هل الصبح شو صعب هل اليوم".

وعلّقت كارول سماحة: "كيف بعد بيقدروا يحطوا راسهن على المخدة ويناموا؟، صدقوني اتخطينا مرحلة الفساد من زمان...الله يخفف من وجع الناس، مش قادرة لاقي كلام يعبر عن اللي عم حسو". 

قالت نوال الزغبي: "ليلة سوداء وحزن عميق عم بتعيشو #بيروت هيدي الليلة محفورة بذاكرة اللبنانية".

وكتبت ايميه صياح: "دخيلك يا رب.. دخيل اسمك.. لبنان تحمّل كتير.. وما بقى قادر يحمل أكتر.. يا رب ترحم اللّي سبقونا، وتبرّد قلب أهلهم، تشفي الجرحى والموجوعين، وترحم اللّي بعدن بهالدني.. يا رب يخلص هالكابوس.. كتير هيك كتير..".

وقال باسم مغنية: "أشكر كل حكوماتنا السابقة والحالية على الإهمال. أصبحتم أخطر من العدو الصهيوني. شكرا".

وكتبت نيكول سابا: "ولا كأنو مشهد من الافلام السينمائية شي مرعب وحزن رهيب ما بينوصف على هالبلد كيف صار!! هيدا النهار ما رح ينتسى وحاسة بشعور كتير بشع! اعداد جرحى مهول والمستشفيات مش مستوعبة اساساً البلد غرقان بموضوع كورونا الله يستر ويشفي كل المنصابين ويخلصنا من كل يلّي عم بصير".

وحرصت الفنانة مايا نصري، على نشر صورة من الانفجار عبر حسابها الشخصي في موقع "إنستغرام"، وكتبت: "أصدقائي في لبنان طمنونا عليكم، أنا وعائلتي بخير".

وسقط أكثر من 78 شهيداً وحوالي 4000 جريح، بينهم حالات خطرة، في انفجار ضخم هزّ مرفأ بيروت.

ووقع المئات من المصابين في كافة أنحاء العاصمة. وشمل الدمار المباني السكنية والسيارات والمتاجر.

ونقلت سي إن إن (CNN) عن المركز الأوروبي المتوسطي للزلازل قوله إن انفجار بيروت شعر به سكان قبرص الواقعة على بعد 240 كيلومترا.

ورجح المدير العام للأمن العام اللبناني، عباس إبراهيم أن يكون الانفجار الذي وقع في مرفأ بيروت عصرا ناجماً عن مواد "مصادرة وشديدة الانفجار، تم تخزينها في المعبر رقم 12 في ميناء بيروت.

وقال إبراهيم للصحافيين خلال تفقده المكان: "يبدو أن هناك مخزناً لمواد مصادرة منذ سنوات، وهي شديدة الانفجار"، مشدداً على ضرورة انتظار نتيجة التحقيقات.

وأعلن مجلس الدفاع الأعلى اللبناني بيروت مدينة منكوبة، كما أعلن رئيس الوزراء اللبناني حسان دياب حدادا وطنيا اليوم (الأربعاء).